शशांकको माग अस्वीकार गर्दै कांग्रेस संस्थापनले भन्यो– महाधिवेशन नगरे पार्टी अवैधानिक हुन्छ

काठमाडौं– नेपाली कांग्रेसको विद्रोही पक्षका तर्फबाट नेता शशांक कोइरालाले पार्टीको महाधिवेशन रोक्न गरेको मागलाई संस्थापन पक्षले ठाडै अस्वीकार गरेको छ।

कोइरालाले पार्टीको १५औँ महाधिवेशनसम्बन्धी सम्पूर्ण गतिविधि र दीर्घकालीन निर्णयहरू तत्काल रोक्न माग गर्दै पार्टी केन्द्रीय कार्यालयलाई मंगलबार पत्र लेखेको सन्दर्भमा प्रतिक्रिया दिँदै महामन्त्री प्रदीप पौडेलले भने– ‘महाधिवेशनको कार्यतालिका पहिल्यै तय भइसकेको छ। तसर्थ उहाँहरू पनि तोकिएकै अवधिमा महाधिवेशन गर्न जोडिनु राम्रो हुन्छ।’