लामो समय अलपत्र मर्स्याङ्दी करिडोर प्रसारण लाइन निर्माण सम्पन्न

काठमाडौँ । ऊर्जा क्षेत्रमा निजी क्षेत्रले पहिलो पटक प्रसारण पूर्वाधार निर्माण सम्पन्न गरेको छ । करिब सात वर्षसम्म अलपत्र परेको मर्स्याङ्दी करिडोर अन्तर्गतको २२० केभी मार्कीचोक–भरतपुर प्रसारण लाइनको २८ किलोमिटर खण्ड निजी क्षेत्रको सक्रिय सहभागितामा डेढ वर्षभित्रै सम्पन्न भई सञ्चालनमा आएको छ ।

सात वर्षसम्म अलपत्र परेको आयोजना निजी क्षेत्रले डेढ वर्षभित्रै सम्पन्न गरेसँगै अब जलविद्युत उत्पादन मात्र नभएर पूर्वाधार निर्माणमा पनि सफलता हासिल गरेको छ ।