उड्ने कारको विकास, परीक्षणको तयारी हुँदै

काठमाडौँ । उड्ने कार (फ्लाइङ कार) को विकासलाई तीव्र गतिमा अघि बढाइको छ। उड्डयन कम्पनीहरूले व्यावहारिक रूपमा दैनिक प्रयोग गर्न मिल्ने उड्ने कारको विकासका लागि आफ्नो समय र स्रोतसाधनको अधिकतम उपयोग गरिरहेका छन्। यसै क्रममा दक्षिणपश्चिम चेङ्दु सहरस्थित एक कम्पनीले सहरी यातायातलाई सहज बनाउने उद्देश्यका साथ ६ सिट क्षमताको विद्युतीय उड्ने कार विकास गरेको छ।

यस कारको क्याबिनमा आवश्यकताअनुसार समायोजन गर्न मिल्ने सिटहरू तथा बहुउद्देश्यीय सवारीका अन्य आधुनिक सुविधाहरू समावेश गरिएका छन्। यो कार हाल उडानयोग्यता एवं प्रमाणीकरणको अन्तिम प्रक्रियामा रहेको छ।