नेपाल ‘प्याक्स सिलिका’ मा साझेदार भएकोबारे वर्षमानको आपत्ति, के को प्याक्स सिलिका ?

नेपाली कम्युनिष्ट पार्टी (नेकपा) का नेता एवं पूर्वअर्थमन्त्री वर्षमान पुन ‘अनन्त’ ले नेपाल खनिजसँग सम्बन्धित ‘रणनीतिक तथा सामरिक महत्त्व’ का अन्तर्राष्ट्रिय साझेदारीमा संलग्न भएको आशंका गर्दै त्यसबारे सरकारले संसद्लाई स्पष्ट जानकारी दिनुपर्ने माग गरेका छन्।

मंगलबार प्रतिनिधिसभामा खानी तथा खनिज पदार्थ विधेयक- २०८३ माथिको सैद्धान्तिक छलफलमा भाग लिँदै उनले विशेष गरी रणनीतिक महत्त्वका खनिजको अन्वेषण तथा उत्खनन् विदेशी कम्पनीलाई दिनेसम्बन्धी ‘प्याक्स सिलिका’ मा नेपाल सहभागी भएको हो कि होइन भन्ने प्रश्न गरे।