हलिउड निर्देशक कार्ल एरिकलाई साढे दुई वर्षकाे जेल सजाय

काठमाडौँ । हलिउड निर्देशक कार्ल एरिक रिन्शलाई नेटफ्लिक्सको करिब १ करोड १० लाख अमेरिकी डलर (झन्डै ८३ लाख पाउन्ड) ठगीमा साढे दुई वर्ष जेल सजाय सुनाइएको छ ।

सन् २०१३ मा प्रदर्शित चलचित्र ‘४७ रोनिन’ का निर्देशकका रूपमा परिचित ४८ वर्षीय रिन्शमाथि विज्ञान–कथामा आधारित टेलिभिजन शृङ्खला निर्माण पूरा गर्नका लागि दिइएको रकम व्यक्तिगत विलासितामा खर्च गरेको आरोप लागेको थियो ।