दक्षिण अफ्रिकाको लगातार तेस्रो जित, न्युजिल्याण्डको पहिलो हार

काठमाडौं : दक्षिण अफ्रिकाले टी-२० विश्वकप २०२६ मा आफ्नो विजयी यात्रा कायमै राख्दै लगातार तेस्रो जित हासिल गरेको छ। शनिबार सम्पन्न प्रतियोगिताको तेस्रो खेलमा दक्षिण अफ्रिकाले न्युजिल्याण्डलाई ७ विकेटले पराजित गरेको हो।

यो जितसँगै दक्षिण अफ्रिका समूह 'डी'को अङ्क तालिकाको शीर्ष स्थानमा उक्लिएको छ भने न्युजिल्याण्ड दोस्रो स्थानमा झरेको छ। अहमदाबादस्थित नरेन्द्र मोदी स्टेडियममा भएको खेलमा दक्षिण अफ्रिकाले टस जितेर पहिले बलिङ गर्ने निर्णय गरेको थियो।