बागमति प्रदेश सरकारले बाढी पहिरो पीडितलाई राहत दिने

बागमती प्रदेश सरकारले बाढी तथा पहिरोलगायत विपद् पीडितलाई तत्काल राहत उपलब्ध गराउने निर्णय गरेको छ।

प्रदेश सरकारको आज साँझ बसेको आकस्मिक बैठकले बाढी पहिरोबाट भएको क्षतिको यकिन गरी प्रदेश विपद् व्यवस्थापन कोष परिचालन कार्यविधि २०८० बमोजिम प्रदेश सरकारका तर्फबाट पीडित नागरिकलाई तत्काल राहत उपलब्ध गराउने निर्णय गरेको हो।