पाँच प्रदेशमा वर्षाको सम्भावना, बाढी-पहिरोबाट जोगिन सतर्कताको आग्रह

काठमाडौं : देशभर अहिले मनसुन सक्रिय रहेकाले विभिन्न प्रदेशमा वर्षा भइरहेको छ। जल तथा मौसम विज्ञान विभागका अनुसार आज कोशी, बागमती, गण्डकी, लुम्बिनी र सुदूरपश्चिम प्रदेशका केही ठाउँमा पानी पर्ने सम्भावना छ।

मौसम पूर्वानुमान महाशाखाका अनुसार अहिले (बिहान) कोशी, बागमती र कर्णाली प्रदेशका केही ठाउँमा मेघगर्जन र चट्याङसहित हल्कादेखि मध्यम वर्षा भइरहेको छ। अन्य प्रदेशका तराई क्षेत्रमा भने मौसम सामान्यतया सफा छ।