कमलपोखरीको जाकराण्डा हेर्ने र फोटो खिच्नेको भीड

कमलोपोखरी बस स्टपबाट सजिलै देखिन्छ कमलपोखरी। सुन्दर र आकर्षक देखिने यो पोखरी किनारमा फूलिरहेको ज्याकराण्डाको फूलले पोखरीको सौन्दर्य थपिएको छ। पोखरीमा फूलिरहेको ज्याकराण्डाको सौन्दर्यले टाढा नजिकका सबैलाई आकर्षित गरिरहेको छ। ज्याकराण्डा फूल फुलेपछि यो पोखरीमा घुम्न आउनेको ओइरलो लागेको छ।

बुधबार कमलपोखरीको मध्याह्न घाममा तस्बिर खिचिरहेकै बेलामा भेटिइन् ललितपुरकी राधिका सापकोटा र नारायणथानकी रविना कट्टेल। उनीहरू यो पोखरीमा फूल फुल्न थालेको वर्षदेखि नै हरेक वर्ष आउने गरेका छन्। यो वर्ष पनि ज्याकराण्डा फुलेपछि उनीहरू पोखरी घुम्न साथी बोलाएरै पुगेका हुन्। उनीहरूले विशेष गरी यही मौसम पारेर यो पोखरी पुग्ने गरेको बताए। राधा र प्रविना दुवै तस्बिर खिच्दै पोखरी नियाल्न मस्त थिए। 'साथीसंगै पोखरी घुम्दा छुट्टै मज्जाा,' राधाले भनिन्।