ओलीको आरोप– सरकारको हस्तक्षेपले फिफाले एन्फालाई निलम्बन गर्‍यो

काठमाडौं । नेकपा (एमाले)का अध्यक्ष एवं पूर्वप्रधानमन्त्री केपी शर्मा ओलीले सरकारले हस्तक्षेप गरेकाले अन्तर्राष्ट्रिय फुटबल महासंघ (फिफा)ले अखिल नेपाल फुटबल संघ (एन्फा)लाई निलम्बन गरेको आरोप लगाएका छन् । मंगलबार (असार १६) काठमाडौंमा एमालेनिकट नेपाल खेलकुद महासंघले आयोजना गरेको एक कार्यक्रममा उनले यस्तो जिकिर गरेका हुन् ।

खेलकुद क्षेत्रमा सरकारको हस्तक्षेप रोक्न लागिपर्न उनले पार्टीका सम्बद्ध पक्षलाई निर्देशन दिए । उनले एन्फामाथि फिफाले लगाएको प्रतिबन्धबाट मनोबल गिराउने काम नगर्न पनि खेलकुद क्षेत्रका सबैलाई अपिल गरे ।