हुथी विद्रोहीद्वारा क्षेप्यास्त्र प्रहार, चारजनाको मृत्यु

काठमाडौं । यमनका हुथी विद्रोहीले क्षेप्यास्त्र प्रहार गर्दा चारजनाको मृत्यु भएको छ । विद्रोहीहरूले बाब अल–मन्देब जलमार्गमा साउदी अरेबियाको एउटा जहाजमा क्षेप्यास्त्र प्रहार गर्दा चारजना चालक दलका सदस्यको मृत्यु भएको हो । मृत्यु हुनेमा तीनजना पाकिस्तानी र एकजना इन्डोनेसियाली नागरिक रहेका छन् ।

तन्जानियाको झण्डा बोकेको उक्त जहाजको नाम ‘तिहामा’ रहेको छ । यो ओमानको सलालाह बन्दरगाहबाट जिबुटीतर्फ जाँदै थियो । हुथी विद्रोहीहरूले जुलाई २० देखि साउदी जहाजहरूमाथि नाकाबन्दी सुरु गरेका थिए । त्यसयता उनीहरूले लाल सागरमा साउदी अरेबियासँग जोडिएका आठवटा जहाजलाई निशाना बनाइसकेका छन् । तीमध्ये एनसिलिया, लेला, गजल र वफा जहाज छन् ।