आज पनि गर्मी बढ्ने प्रक्ष्येपण, राति भने वर्षाको सम्भावना

काठमाडौँ- वर्षाको सम्भावना कम भएसँगै देशभर गर्मी कायमै रहने मौसम पूर्वानुमान छ। मौसम पूर्वानुमान महाशाखाका अनुसार दिउँसो केही स्थानमा मात्रै वर्षा तथा मेघगर्जनको सम्भावना रहेकाले धेरै ठाउँमा गर्मीको अनुभव हुने देखिएको छ।

महाशाखाका अनुसार मंगलबार काठमाडौंमा अधिकतम तापक्रम ३२ डिग्री सेल्सियससम्म पुगेको थियो। बुधबार दिउँसो वर्षाको सम्भावना थोरै स्थानमा मात्रै रहे पनि रातिदेखि भने पूर्वी नेपालबाट वर्षा बढ्दै जाने पूर्वानुमान छ ।