रेमिटेन्सलाई राष्ट्रिय पुँजीमा रूपान्तरण गर्ने अभियान अघि बढ्यो : शर्मा

काठमाडौँ । गैरआवासीय नेपाली संघ (एनआरएनए) अन्तर्राष्ट्रिय समन्वय परिषद्का निवर्तमान अध्यक्ष आर. के. शर्माले गैरआवासीय नेपालीले पठाउने सानो–सानो रेमिटेन्सलाई उत्पादनमूलक लगानीमा रूपान्तरण गर्दै राष्ट्रिय पूँजी निर्माण गर्ने अभियान अघि बढेको बताएका छन् ।

नेपाल डेभलपमेन्ट फन्ड स्थापनाका लागि लामो समयदेखि अघि बढाइएको प्रक्रिया मन्त्रिपरिषद्को पछिल्लो निर्णयसँगै महत्वपूर्ण चरणमा प्रवेश गरेको उल्लेख गर्दै शर्माले गैरआवासीय नेपालीलाई नेपालको विकासका साझेदार तथा लगानीकर्ताका रूपमा जोड्ने आधार तयार भएको बताएका हुन् ।