टेस्लाले अमेरिकाको टेक्ससमा ल्यायो स्वचालित रोबोट्याक्सी

एजेन्सी । विद्युतीय सवारीसाधन निर्माता कम्पनी टेस्लाले बुधबार टेक्ससको अस्टिन मेट्रो क्षेत्रमा आफ्नो अनसुपरभाइज्ड (मानवरहित) रोबोट्याक्सी सेवा सञ्चालनमा ल्याएको घोषणा गरेको छ ।

स्वायत्त ड्राइभिङ प्रविधिमा आधारित आफ्नो राइड–हेलिङ (यात्रु ओसारपसार) सेवालाई तीव्रता दिने उद्देश्यका साथ कम्पनीले यो कदम चालेको हो । प्रमुख कार्यकारी अधिकृत इलोन मस्कले कम्पनीको ध्यान विद्युतीय सवारीसाधन उत्पादनबाट मात्र हटाएर आर्टिफिसियल इन्टेलिजेन्स र रोबोटिक्सतर्फ केन्द्रित गरेपछि टेस्लाको वृद्धि रणनीतिका लागि रोबोट्याक्सी सेवाको विस्तार र फुल सेल्फ–ड्राइभिङ सफ्टवेयरको व्यापक प्रयोग निकै महत्त्वपूर्ण बनेको छ ।