रेनुका खतिवडाको आवाजमा ‘माइत जान नपाएको पीडा’

काठमाडौँ- तीज पर्वलाई केन्द्रमा राखेर नारीका भावना, पीडा र माइतीप्रतिको आत्मीयता समेटिएको तीज गीत ‘माइती र चेलीको’ सार्वजनिक गरिएको छ। गायिका रेनुका खतिवडाको आवाजमा रहेको गीतले तीजमा माइत जान नपाएकी चेलीको पीडा र मनोभावलाई काँठेभाकामार्फत प्रस्तुत गरेको छ।

गीतमा पतिबाट हेला खेपेकी नारीको मनोव्यथा, अशान्ति र भौँतारिएको जीवनलाई भावुक ढंगले अभिव्यक्त गरिएको छ। तीजमा माइती जान नपाए पनि अर्को वर्ष अवश्य आउने आश्वासन चेलीले आमालाई दिएकी छन्।