रौतहटमा नुहाउने क्रममा बेपत्ता बनेका ३ मध्ये २ बालबालिकाको शव फेला

काठमाडौँ- रौतहटमा नुहाउने क्रममा बेपत्ता बनेका ३ मध्ये २ बालबालिकाको शव फेला परेको छ। नेपाल प्रहरीका अनुसार देवाही गोनाही नगरपालिका १ करुनियास्थित लालबकैया खोलामा नुहाउने र पौडी खेल्ने क्रममा डुबेका दुई बालबालिकाको मृत्यु भएको छ भने एक बालक अझै बेपत्ता छन्।

हिजो (मंगलबार) लालबकैया खोलामा नुहाउने क्रममा देवाही गोनाही नगरपालिका –०१ करुनिया बस्ने करमे आलमका करिब १० वर्षीय छोरा महमद रमतुलाह, हिसी अकतरकी करिब १० वर्षीया छोरी सबनम खातुन र शेख खुर्सैदकी करिब १० वर्षीया छोरी रौशन खातुन पानीमा डुबेर बेपत्ता भएका थिए। जसमध्ये महमद रमतुलाह र सबनम खातुन मृतास्थामा फेला परेका थिए।