‘बा : एक योद्धा’का दुई गीतलाई दर्शकले दिए रेटिङ

काठमाडौं । “धेरै राम्रो सन्देश बोकेको लोक सँस्कारयुक्त गीत रहेछ । जसले १० मा ८ स्कोर पाउँछ मबाट । छुटाउँदा अन्याय भैजाने त ‘भुइँ नबिर्स’ नै हो, जसलाई १० मा ९.९९ घटाउँदैन,” यो प्रतिक्रिया चलचित्र ‘बा : एक योद्धा’का दुई गीत ‘नभन्नू कोइसित’ र ‘चढेको बुई नबिर्स, टेकेको भुइँ नबिर्स’लाई टेकेन कँडेलले युट्युबमा हेरेर दिएका हुन् ।

सिबी राना मगरलाई पनि ‘बा : एक योद्धा’का गीत ‘नभन्नू कोइसित’ मन परेको छ । उनी लेख्छन्, “धेरै पछि पञ्चेबाजाको नयाँ गीत आहा सागर आले र समीक्षा अधिकरीको स्वरमा आहा ।”