विश्वासको मत लिँदै लुम्बिनीका मुख्यमन्त्री आचार्य, राजीनामाको तयारीमा सुदूरपश्चिमका शाही

काठमाडौँ- नयाँ गठबन्धन बनेपछि सहयात्री फेरेका लुम्बिनी प्रदेशका मुख्यमन्त्री चेतनारायण आचार्यले १ भदौमा विश्वासको मत लिँदैछन्। उनले सोही दिन प्रदेशसभाबाट विश्वासको मत लिने तयारी गरेका हुन्।

केही समयअघि मात्रै कांग्रेसले सहकार्य तोडेको थियो भने नेकपा सरकारमा गएको थियो। सबै प्रदेशबाट एमालेसँग कांग्रेसले सहकार्य तोडेपछि प्रदेशमा नेकपा-एमाले सहकार्य अघि बढेको हो। आचार्य एमालेका नेता हुन्। कांग्रेसले समर्थन फिर्ता लिएका कारण संवैधानिक व्यवस्थाअनुसार उनले ३० दिनभित्र प्रदेश सभाबाट विश्वासको मत लिनुपर्ने प्रावधान अनुसार विश्वासको मत लिन थालेका हुन्।