ग्यासको हाहाकार, सुरक्षाको कमजोर अवस्था र सरकारको कार्यशैलीप्रति सांसदहरूको आलोचना

काठमाडौँ । संघीय संसद् अन्तर्गत राष्ट्रिय सभाको बुधवारको बैठकमा शून्य समयमा बोल्दै सांसदहरूले मुलुकमा व्याप्त विभिन्न गम्भीर समस्याहरूप्रति सरकारको गम्भीर ध्यानाकर्षण गराएका छन्। बैठकमा खाना पकाउने एलपी ग्यासको चरम अभाव, शान्तिसुरक्षाको फितलो अवस्था र सरकारको कार्यशैलीलाई लिएर सांसदहरूले कडा आलोचना गरेका हुन्।