हेलिकोप्टरबाट टेलिकमको उपकरण ढुवानी

काठमाडौँ। हेलिकोप्टरबाट सञ्चार उपकरण ढुवानी गरिएको छ। नेपाल टेलिकमले सेनाको हेलिकोप्टरमार्फत मंगलबार उक्त उपकरण तथा अन्य सामग्री बडीमालिका क्षेत्रमा पुर्‍याएको हो।

बडीमालिका बाजुरा जिल्लाको धार्मिक तथा पर्यटकीयस्थल हो। बडीमालिका मन्दिर समुद्री सतहबाट करिब चार हजार २०० मिटर उचाइमा छ। सूचना तथा सञ्चारमन्त्री विक्रम तिमिल्सिनाले ८ साउनमा बडीमालिका क्षेत्रमा तत्काल टेलिफोन तथा इन्टरनेट सेवा पुर्याउन नेपाल टेलिकमलाई निर्देशन दिएका थिए।