अदालतकै अगाडि आत्मदाह प्रयास, मिटरब्याज पीडित महिलालाई प्रहरीले बचायो

जनकपुरधाम- मधेश प्रदेशको राजधानी सहर जनकपुरधामस्थित धनुषा जिल्ला अदालतअगाडि बुधबार एकजना मिटरब्याज पीडित महिलाले प्रदर्शनका क्रममा आत्मदाहको प्रयास गरेकी छन् ।

मिटरब्याज पीडितहरूले अदालतअगाडि नाराबाजीसहित विरोध प्रदर्शन गरिरहेका बेला जनकपुरधाम उपमहानगरपालिका-४ निवासी फूलकुमारी रजकले शरीरमा पेट्रोल छर्किएर आत्मदाह प्रयास गरेकी हुन् ।