निर्वाचन प्रहरीको पोशाक खरिदमा सशस्त्रको कुनै संलग्नता छैन: आईजीपी पौडेल

काठमाडौँ । सशस्त्र प्रहरी बल, नेपालका महानिरीक्षक (आईजीपी) नारायणदत्त पौडेलले निर्वाचन प्रहरीको पोशाक खरिदमा संगठनको कुनै संलग्नता नरहेको स्पष्ट पारेका छन्।

बुधबार संघीय संसद्को सार्वजनिक लेखा समितिको बैठकमा बोल्दै आईजीपी पौडेलले निर्वाचनका लागि भर्ना गरिएका जनशक्तिको पोशाक खर्च सिधै उनीहरूको बैंक खातामा पठाइएकाले यसमा अनियमितताको कुनै सम्भावना नरहेको बताए।