कोशीमा कांग्रेसका मन्त्रीले दिए राजीनामा

कोशी प्रदेश सरकारबाट नेपाली कांग्रेस बाहिरिएको छ । कांग्रेसका ४ मन्त्री र १ राज्यमन्त्रीले बुधबार राजीनामा दिएका छन् ।

राजीनामा दिने कांग्रेसका मन्त्रीहरूमा भौतिक पूर्वाधार विकास मन्त्री प्रदीपकुमार सुनुवार, पर्यटन, वन तथा वातावरण मन्त्री भीम पराजुली, उद्योग, कृषि तथा सहकारी मन्त्री इस्राइल मन्सुरी, स्वास्थ्यमन्त्री मानबहादुर लिम्बू र भौतिक पूर्वाकार विकास मन्त्रालयकी राज्यमन्त्री शोभा चेम्जोङ रहेका छन् ।