भारतीय कारले ठक्कर दिँदा मोटरसाइकल चालकको मृत्यु

बर्दिया। बर्दियाको बढैयाताल गाउँपालिका–३ भोलागौडीस्थित हुलाकी सडकखण्डमा भारतीय कारले मोटरसाइकललाई पछाडिबाट ठक्कर दिँदा मोटरसाइकल चालकको मृत्यु भएको छ।

ठाकुरद्वाराबाट नेपालगञ्जतर्फ जाँदै गरेको जिल्ला बर्दिया, बारबर्दिया नगरपालिका–३ बस्ने २९ वर्षीय राघव ढकालले चलाएको बीआर २० सीबी २५२८ नम्बरको भारतीय कारले सोही दिशातर्फ जाँदै गरेको बढैयाताल गाउँपालिका–२ बस्ने ५५ वर्षीय गणेशप्रसाद पाण्डेले चलाएको भे १४ प ८९८९ नम्बरको मोटरसाइकललाई पछाडिबाट ठक्कर दिएको थियो।