बानियाँको ब्रिफिङ: बागमतीमा फेरि कांग्रेसै सरकार बन्ने देखियो

मुख्यमन्त्री इन्द्रबहादुर बानियाँले बागमती प्रदेशमा फेरि पनि नेपाली कांग्रेस नेतृत्वकै सरकार बन्ने अवस्था रहेको ‘बिफिङ’ गरेका छन्।

बुधबार सानेपास्थित कांग्रेस केन्द्रीय कार्यालयमा बसेको केन्द्रीय कार्यसमिति बैठकमा मुख्यमन्त्री बानियाँले नेकपा (एमाले) बाहिरिएर आफ्नो नेतृत्वको सरकार अल्पमतमा परे पनि नयाँ सरकार बन्ने परिस्थिति नदेखिएको बताए।