भीषण वर्षा हुने पूर्वानुमानपछि कान्ति लोकपथमा रातको समयमा यात्रा नगर्न प्रशासनको आग्रह

जिल्ला प्रशासन कार्यालय, मकवानपुरले कान्ति लोकपथ (हेटौंडा–काठमाडौं सडकखण्ड) मा रातको समयमा यात्रा नगर्न र नगराउन सबैमा आग्रह गरेको छ।

मकवानपुरका प्रमुख जिल्ला अधिकारी वसन्तराज अधिकारीले मंगलबार सूचना जारी गर्दै असार १६ र १७ गते बेलुका ५ बजेदेखि बुधबार बिहान ५ बजेसम्म कान्ति लोकपथ (हेटौँडा–काठमाडौँ सडकखण्ड) हुँदै कुनै पनि प्रकारको यात्रा नगर्न तथा नगराउन आग्रह गरेका हुन्।