`राजाको शासनमा समेत खुलेको रिपोर्टर्स क्लब भाडा तिरेको ४० दिन बित्दा पनि खुलेन ´

काठमाडौं । रिपोर्टर्स क्लब नेपालका सञ्चालक तथा अध्यक्ष ऋषि धमलाले राजाको शासनकालदेखि नै शक्तिशाली रूपमा सञ्चालन हुँदै आएको रिपोर्टर्स क्लब अहिले बन्द हुनु दुःखद भएको बताएका छन् ।

बुधबार भृकुटीमण्डपस्थित बन्द रिपोर्टर्स क्लबको बाहिर अन्तर्राष्ट्रिय युवा दिवसको अवसरमा आयोजित पत्रकार सम्मेलनमा धमलाले अन्य सञ्चारमाध्यम जान नसकेको अवस्थामा समेत रिपोर्टर्स क्लबले सडकमा उत्रिएर लोकतान्त्रिक आन्दोलन तथा गणतन्त्र स्थापनामा साथ दिएको दाबी गरे ।