सरकारप्रति दृष्टिविहीनहरूको आक्रोश : सरकार आफैँ दृष्टिविहीन भयो

काठमाडौँ । दृष्टिविहीनहरू विगत नौ दिनदेखि माइतीघर मण्डलामा धर्नामा बसेका छन्। सडकपेटीलाई कार्यक्षेत्र बनाएर स्वरोजगारमूलक काम गर्दै आएका उनीहरूलाई सरकारले व्यवसाय गर्न नदिएपछि बाध्य भएर धर्नामा बस्नुपरेको हो।

दृष्टिविहीन तथा न्यून दृष्टियुक्त व्यवसायीहरूको उचित व्यवस्थापन गर्नुपर्ने वा आफूले गर्दै आएको व्यवसायलाई निरन्तरता दिन पाउनुपर्ने उनीहरूको प्रमुख माग छ। सरकारले बेवास्ता गर्दा पनि आफैँ विभिन्न पेसा–व्यवसाय गरेर जीविकोपार्जन गरिरहेका दृष्टिविहीनहरूलाई सरकार नै तगारो बनेर उभिएको उनीहरूको गुनासो छ।