बाढीमा ज्यान गुमाएकाको सम्झनामा बेलायतमा दीपप्रज्वलन

लण्डन । रसुवाको भोटेकोशी नदीमा आएको बाढीका कारण ज्यान गुमाएकाहरूको सम्झना तथा घाइतेहरूको शीघ्र स्वास्थ्यलाभको कामना गर्दै बेलायतमा दीपप्रज्वलन गरिएको छ।

नेपाली कल्चर सेन्टर यूकेको आयोजनामा सोमबार साँझ हन्स्लोस्थित लक्ष्मीनारायण मन्दिरमा आयोजित श्रद्धाञ्जली कार्यक्रममा बाढीबाट प्रभावित परिवारका सदस्यसहित पश्चिम लण्डनमा बसोबास गर्ने नेपाली समुदायको उल्लेख्य सहभागिता रहेको थियो।