तातिँदो हिमाल, बढ्दो जोखिम

भौगोलिक रूपमा अति संवेदनशील तथा जलवायु परिवर्तनका हिसाबले नेपालको हिमाली क्षेत्र उच्च जोखिममा रहेको छ।

नेपालको प्राकृतिक सौन्दर्य र जैविक विविधताको प्रमुख आधार हिमालय पर्वत शृंखला हो। यस शृंखलामा रहेका हिमनदी तथा हिमतालहरूले नेपालका नदीहरूलाई पानीको स्रोत प्रदान गर्दै आएका छन्। विश्वको करिब २३ प्रतिशत भू–भाग पर्वतीय रहेको र उक्त भू–भागमा करिब १० देखि ३० प्रतिशत मानिसको बसोवास रहेको छ।