भुइँमा भेटिएन सरकार!

महाविपत्ति आउँछ। त्यसलाई कसैले रोकेर रोक्न सक्ने कुरा हुँदैन। तर, विपत्ति आइसकेपछि राज्यले आफ्ना नागरिकलाई कति छिटो भेट्छ, कति छिटो उद्धार गर्छ, कति सुरक्षित राख्छ र कति संवेदनशील भएर उनीहरूको पीडा सुन्छ– त्यो भने राज्यको क्षमता र जिम्मेवारीको विषय हो।

२०७२ सालको महाभूकम्पदेखि २०८३ सालमा भोटेकोशीमा आएको बाढीसम्म आइपुग्दा देशले अनेकौं विपत्ति भोगिसकेको छ। सयौं नेपालीले ज्यान गुमाएका छन्, हजारौं घाइते भएका छन्। कतिपय विपत्तिमा राज्यका अंगहरूले प्रशंसनीय भूमिका खेलेका छन्। कतिपय अवस्थामा चाहेर पनि राज्यले धेरै गर्न सकेन। तर, कतिपय विपत्तिमा राज्य संयन्त्रकै अलमल, समन्वयको अभाव र निर्णय कार्यान्वयनको कमजोरीका कारण उद्धार र राहत प्रभावित भएको तीतो यथार्थ पनि हामीसँग छ।