भेनिजुएलाको पुनर्निर्माणका लागि बेलायतमा रहेको सुनको रिजर्भ फिर्ता ल्याउने तयारी

एजेन्सी । भेनिजुएलाले पुनर्निर्माणका लागि बेलायतमा रहेको सुनको रिजर्भ फिर्ता ल्याउने तयारी गरेको छ । भेनिजुएलाका राष्ट्रिय सभाका प्रमुख जर्ज रोड्रिग्वेजले देशको पुनर्निर्माण कार्यलाई तीव्रता दिन बेलायतको बैंक अफ इङ्गल्याण्डमा थुपारिएको अनुमानित ४ अर्ब डलर बराबरको सुनको रिजर्भ फिर्ता ल्याउने घोषणा गरेका हुन् ।

बैंक अफ इङ्गल्याण्डले यसअघि राष्ट्रपति निकोलास मदुरोको सरकारको वैधतालाई मान्यता नदिएको कारणले गर्दा यसको भल्टमा राखिएको करिब ३१ मेट्रिक टन भेनेजुएली सुन फिर्ता गर्न लामो समयदेखि अस्वीकार गर्दै आएको छ।