चौथो म्याग्दी भलिबल कप असोज १४ देखि

म्याग्दी जिल्ला भलिबल सङ्घले चौथो म्याग्दी भलिबल कप आगामी असोजको तेस्रो साता धवलागिरि गाउँपालिकाको मुनामा आयोजना गर्ने भएको छ ।

गौमती खत्री विकास कोषको मुख्य प्रायोजनमा हुने प्रतियोगिता असोज १४ देखि १८ गतेसम्म धवलागिरि गाउँपालिका–३, मुना फलियागामा रहेको धनजनता माध्यमिक विद्यालयको प्राङ्गणमा आयोजना हुनेछ । प्रतियोगितामा छात्र–छात्रातर्फ अन्डर–२० तथा पुरुष र महिला शिक्षक भलिबल प्रतियोगिता सञ्चालन गरिनेछ ।