बाढी र पहिरोले अवरुद्ध छन् यी राजमार्ग

काठमाडौं । बाढी र पहिरोले देशका विभिन्न मुख्य राजमार्गहरू प्रभावित भएका छन्। नेपाल प्रहरीका अनुसार, काठमाडौँ उपत्यकासहित बागमती प्रदेशका विभिन्न जिल्लामा सडक अवरोध कायम रहेको छ।

धादिङको बेनीघाट रोराङ गाउँपालिका-७ स्थित कृष्ण भिर र गजुरी गाउँपालिका-२ स्थित परेवा भिरमा पहिरो खसेका कारण पृथ्वी राजमार्ग पूर्ण रूपमा अवरुद्ध भएको छ। भदौ १४ गतेदेखि नै यी स्थानमा पहिरो खस्ने क्रम जारी रहँदा यातायात ठप्प भएको हो।