मन्त्रीको क्षेत्रकेन्द्रित बजेटमाथि प्रश्न, मुख्यमन्त्रीले भने, ‘नीतिविपरीतका योजना लागू हुँदैनन्’

सुर्खेत । कर्णाली प्रदेशका सामाजिक विकासमन्त्री घनश्याम भण्डारीले आफ्नो मन्त्रालयको कार्यक्षेत्रभन्दा बाहिर गएर आफ्नै निर्वाचन क्षेत्रमा ५ करोड रुपैयाँको योजना समावेश गरेको विषय यतिबेला चर्चामा छ।

भण्डारीले आगामी आर्थिक वर्ष २०८३/०८४ को मन्त्रालयगत बजेटमा आफ्नो कार्यक्षेत्रभन्दा बाहिर गएर सामाजिक विकास मन्त्रालयअन्तर्गत दुईवटा ‘सुरक्षित नागरिक आवास’ कार्यक्रम राख्दै ५ करोड रुपैयाँ विनियोजन गरेका छन्।