अब्राहम लिङ्कन विमानवाहक पोतमा के भएको हो ?

वाशिङ्टन- अमेरिकी नौसेनाको विमानवाहक पोत युएसएस अब्राहम लिङ्कनभित्रको अवस्थालाई लिएर प्रश्न उठेको छ । उक्त पोतमा लामो समयदेखि जारी तैनाथीका क्रममा खाद्यान्न अभाव, पानी तथा प्लम्बिङ समस्या र मानसिक स्वास्थ्य सङ्कट देखिएको रिपोर्ट सार्वजनिक भएको छ ।

रिपोर्ट सार्वजनिक भएपछि अमेरिकी कङ्ग्रेसमा डेमोक्रेटिक पार्टीको प्रतिनिधित्व गर्ने सांसदहरूले पोतमा रहेका सैनिकको अवस्थाबारे जवाफ मागेका छन् । सिनेटर रिचर्ड ब्लुमेन्थलले बुधबार युद्धमन्त्री पीट हेग्सेथलाई पत्र लेख्दै विमानवाहक पोतमा रहेका सैनिकको अवस्थाबारे नौसेनालाई जवाफदेही बनाउन आग्रह गरेका हुन् ।