बक्यौता नतिर्ने ४५ उद्योगको बिजुली काटियो, दुई सातामा ४२ करोड ५४ लाख रुपैयाँ भाडा असुली

काठमाडौँ / उद्योग, वाणिज्य तथा आपूर्ति मन्त्री गौरीकुमारी यादवको कडा निर्देशनपछि औद्योगिक क्षेत्रको वर्षौँदेखि उठ्न नसकेको भाडा बक्यौतामध्ये दुई सातामै ४२ करोड ५४ लाख ३८ हजार रुपैयाँ असुल भएको छ।

औद्योगिक क्षेत्र व्यवस्थापन लिमिटेडका अनुसार मन्त्री यादवले बक्यौता तत्काल उठाउन निर्देशन दिएपछि देशभरका औद्योगिक क्षेत्रका उद्योग तथा कार्यालयबाट उक्त रकम सङ्कलन गरिएको हो।