शङ्कर ग्रुपमा केन्द्रित ९३ अर्ब ऋणले बढायो जोखिम, बैंकिङ प्रणालीमै असर पर्ने चिन्ता

काठमाडौं । नेपालको बैंकिङ क्षेत्रमा सीमित व्यापारिक घरानामा अत्यधिक ऋण केन्द्रित हुने प्रवृत्तिले वित्तीय स्थायित्वमाथि गम्भीर प्रश्न उठाएको छ। पछिल्लो तथ्यांकअनुसार शङ्कर ग्रुप अन्तर्गतका विभिन्न कम्पनीहरूले बैंक तथा वित्तीय संस्थाबाट करिब ९८ अर्ब रुपैयाँभन्दा बढी ऋण लिएका छन्।

सबैभन्दा बढी ऋण जगदम्बा स्टिलले लिएको देखिएको छ। कम्पनीले विभिन्न बैंक तथा वित्तीय संस्थाबाट ३१ अर्ब १५ करोड ५२ लाख रुपैयाँ ऋण लिएको छ। त्यस्तै सौरभ सिमेन्ट इन्डस्ट्रिजले १४ अर्ब ८६ करोड ९८ लाख रुपैयाँ तथा रिद्धि सिद्धि सिमेन्टले ११ अर्ब ९३ करोड ७५ लाख रुपैयाँ ऋण उपयोग गरेका छन्।