अप्पर त्रिशूली हाइड्रोको टनेलमा फसेका ३५० सहित ८८३ जनाको उद्धार

काठमाडौं । रसुवा जिल्लाको भोटेकोसीमा आएको विनाशकारी बाढीपछि हिजोदेखि अप्पर त्रिशूली हाइड्रोपावरको टनेलभित्र मानिसहरू फसेको खबर आएको थियो ।

तर, प्रतिकूल मौसम र बाढीको तीव्र बहावका बीच नेपाली सेनाले केही बेरअघि टनेलमा फसेका ३५० जना मजदुर तथा स्थानीयको उद्धार गरेको छ । अझै पनि सोही टनेलमा फसेका १०० जनाभन्दा बढी मानिसहरूलाई सुरक्षित बाहिर निकाल्न सेना जुटिरहेको जनाइएको छ ।