राराताल अवलोकन गर्ने ठाउँ मुर्माटपमा पनि चल्न थाल्यो नेपाल टेलिकमको फोरजी

काठमाडौं । नेपाल टेलिकमले मुगु जिल्लाको प्रसिद्ध पर्यटकीय स्थल मुर्माटपमा फोरजी सेवाको औपचारिक शुभारम्भ गरेको छ । रारातालको मनोरम दृश्यावलोकनका लागि निकै चर्चित यस क्षेत्रमा असार १५ गतेदेखि फोरजी सेवा सञ्चालनमा ल्याइएको टेलिकमले जनाएको छ ।

रारा राष्ट्रिय निकुञ्जभित्र पर्ने मुर्माटप रारातालबाट केही घण्टाको पदयात्रापछि पुगिने आकर्षक गन्तव्य हो । यहाँबाट रारातालका साथै विभिन्न हिमशृङ्खलाहरू र कर्णाली तथा सुदूरपश्चिम प्रदेशका मनमोहक दृश्यहरू देख्न सकिन्छ ।