फोन नम्बर साझा नगरी ह्वाट्सएप चलाउन सकिने, युजरनेमबाट कुराकानी गर्न मिल्ने

काठमाडौं । ह्वाट्सएपले प्रयोगकर्ताको गोपनीयता थप सुदृढ बनाउन फोन नम्बरको सट्टा युजरनेम प्रयोग गरेर च्याट गर्न सकिने नयाँ सुविधा ल्याउने तयारी गरेको छ । हाल परीक्षण तथा रोलआउटको प्रक्रियामा रहेको यो सुविधा पूर्ण रूपमा लागू भएपछि नयाँ व्यक्तिसँग कुराकानी सुरु गर्न मोबाइल नम्बर साझा गर्नुपर्ने बाध्यता हट्नेछ ।

यद्यपि, ह्वाट्सएपमा नयाँ खाता दर्ता (साइन अप) गर्न भने मोबाइल नम्बर आवश्यक रहनेछ । तर नयाँ सम्पर्कसँग कुराकानी सुरु गर्दा प्रयोगकर्ताले आफ्नो युजरनेम मात्र साझा गरे पुग्नेछ ।