राजधानीमा चिनियाँ फिल्मको महोत्सव

बेइजिङ अन्तर्राष्ट्रिय फिल्म महोत्सवमा उत्कृष्ट घोषित तथा प्रतिस्पर्धामा सहभागी ६ चिनियाँ फिल्मको राजधानीमा प्रदर्शन सम्पन्न भएको छ।

महोत्सवको प्रवद्र्धन कार्यक्रम तियानतान अवार्ड प्यानोरामाअन्तर्गत ठमेलस्थित छाया सेन्टरमा तीन दिनसम्म आयोजित फिल्म प्रदर्शनमा विभिन्न विधाका चिनियाँ फिल्महरू देखाइएको थियो। चीन फिल्म प्रशासन र बेइजिङ अन्तर्राष्ट्रिय फिल्म महोत्सवले नेपाल फिल्म तथा सांस्कृतिक प्रतिष्ठानसँगको सहकार्यमा कार्यक्रम आयोजना गरेको हो। आयोजकका अनुसार तीन दिनमा सञ्चालन भएका ९ शोमार्फत करिब १४ सय दर्शकले फिल्म अवलोकन गरेका छन्। प्रदर्शनमा सहभागी दर्शकले आफूलाई मन परेका चिनिया फिल्म नेपालमा नियमित तथा व्यावसायिक रूपमा प्रदर्शन हुनुपर्ने अपेक्षा व्यक्त गरेका छन्।