रारातालको अनुपम दृश्यावलोकन गर्ने स्थान मुर्माटपमामा अब टेलिकमको फोरजी सरर

मुगुको प्रसिद्ध पर्यटकीय स्थल राराताल नजिकै मुर्माटपमा नेपाल टेलिकमले फोरजी सेवा शुरु गरेको छ । त्यस क्षेत्रमा घुम्न आउने पर्यटक तथा स्थानियको लागि उपयुक्त हुने ठहर गर्दै मुर्माटपमा यस्तो सेवा दिएको हो ।

रारा राष्ट्रिय निकुञ्ज क्षेत्रभित्र अवस्थित मुर्माटप रारातालको अनुपम दृश्यावलोकनका लागि अत्यन्त लोकप्रिय गन्तव्य हो । रारातालबाट केही घण्टाको पदयात्रापछि पुग्न सकिने यस स्थलबाट राराताल, विभिन्न हिमशृंखला तथा कर्णाली र सुदूरपश्चिम प्रदेशका मनोरम प्राकृतिक दृश्यहरू अवलोकन गर्न सकिन्छ ।