निर्माण सम्पन्न नहुँदै भत्कन थाल्यो सडक

पूर्वी नवलपरासीको गैँडाकोटदेखि पाल्पाको राम्दी हुँदै कोरोला जोड्ने राष्ट्रिय गौरवको आयोजनाको ९५ प्रतिशत काम पूर्ण भएपछि सडक सरकारलाई हस्तान्तरण भएको दुई वर्ष मात्र हुन लागेको छ । सडक निर्माणको काम पूर्ण रूपमा नसकिँदै सडक भत्कन थालेको छ ।

राष्ट्रिय गौरवको आयोजनाका रूपमा रहेको कालीगण्डकी कोरिडोरको १३२ किलोमिटर सडक निर्माण कार्य सुरु भएको सात वर्षमा सम्पन्न भएको हो । सडकका धेरै ठाउँमा कालोपत्रे भत्किएको छ भने कतिपय ठाउँमा कालोपत्रे हुन सकेको छैन । सडक निर्माण भए पनि जोखिमपूर्ण यात्रा गर्न विवश भएको बौदीकाली गाउँपालिका–३ का सवारीचालक डिल्ली रानामगरले बताउनुभयो ।