सुस्ताबासीको माइतीघरमा धर्ना : ‘नागरिकता, लालपुर्जा र सीमा सुरक्षा’को माग गर्दै सरकारलाई खबरदारी

काठमाडौं ।

भारतीय सीमावर्ती क्षेत्र सुस्ताका बासिन्दाले नागरिकता, भूमि अधिकार र सीमा सुरक्षाको माग गर्दै सोमबार काठमाडौंको माइतीघर मण्डलामा धर्ना दिएका छन्। ‘सुस्ता बचाउ अभियान’को आह्वानमा भएको प्रदर्शनमा सहभागीहरूले भारतीय अतिक्रमण रोक्न प्रभावकारी कूटनीतिक पहल गर्न, सुस्तावासीलाई तत्काल नेपाली नागरिकता उपलब्ध गराउन तथा वर्षौंदेखि भोगचलन गर्दै आएको जग्गाको लालपुर्जा वितरण गर्न सरकारसँग माग गरेका छन्।