पर्सा मालपोतका तत्कालीन नासु उपाध्याय मृत्युपछि भ्रष्टाचारी ठहर

काठमाडौं । मालपोत कार्यालय पर्साका तत्कालीन नायव सुब्बा किरणप्रसाद उपाध्याय मृत्युपछि भ्रष्टाचारी ठहर भएका छन् । मालपोत कार्यालयको फाँट ‘ग’मा कार्यरत नासु उपाध्यायले आर्थिक वर्ष ०७०/७१ मा सेवाग्राहीसँग काटेका ३१९ रसिदबाट संकलित राजस्व ‘राजस्व खाता’मा नबुझाएर भ्रष्टाचार गरेको भन्दै अख्तियारले मुद्दा दायर गरेको थियो ।

उक्त मुद्दामा विशेष अदालतका सदस्यहरू न्यायाधीशद्वय नारायणप्रसाद पौडेल र विदुर कोइरालाको इजलासले भ्रष्टाचार ठहर हुने फैसला गरेको हो ।