फोटोन मोटर्सले बुटवलमा नयाँ शोरुम सञ्चालनमा ल्यायो

फोटोन मोटर्स नेपालले पश्चिम नेपालमा आफ्नो बजार विस्तार गर्ने रणनीतिअन्तर्गत बुटवलमा नयाँ शोरुम सञ्चालनमा ल्याएको छ। कम्पनीले असार १५ गते औपचारिक कार्यक्रममार्फत नयाँ शोरुम उद्घाटन गर्दै पश्चिम क्षेत्रमा आफ्नो उपस्थितिलाई थप सुदृढ बनाएको जनाएको छ।

व्यापार तथा यातायातको प्रमुख केन्द्रका रूपमा रहेको बुटवलमा सञ्चालनमा आएको नयाँ शोरुमले रुपन्देही, पाल्पा, नवलपरासी लगायत आसपासका जिल्लाका ग्राहकलाई सेवा दिने लक्ष्य राखेको कम्पनीले जनाएको छ। यसबाट फोटोनका सवारीसाधन तथा सेवामा ग्राहकको पहुँच अझ सहज हुने विश्वास गरिएको छ।