बेलायतमा नेपाल चिनाउने अभियान: वेल्समा बन्दैछ 'नेपाली भिलेज'

लन्डन । नेपाल आफ्नो प्राकृतिक सौन्दर्य, गौतम बुद्धको जन्मभूमि, सर्वोच्च शिखर सगरमाथा र वीर गोर्खालीहरूको वीरगाथाले विश्वभरि एक विशिष्ट पहिचान बनाएको मुलुक हो। यही मौलिक नेपाली पहिचान, संस्कृति र परम्परालाई बेलायतको वेल्समा जीवन्त राख्ने उद्देश्यका साथ ‘नेपाली भिलेज यूके’को परिकल्पना गरिएको छ।

‘नेपाली भिलेज यूके’का प्रबन्ध निर्देशक मेजर खुशीमान गुरुङ (एमभीओ) का अनुसार यो कुनै एक व्यक्ति, संस्था, जात, धर्म वा क्षेत्रविशेषको परियोजना नभई सम्पूर्ण नेपालीहरूको साझा सपना हो।