लुम्बिनीमा बजेट पारित गर्ने वातावरण बनाउने प्रयास, कमजोरी सच्याएर अघि बढ्न सत्ता पक्ष सकारात्मक

बुटवल । लुम्बिनी प्रदेश सरकारले आगामी आर्थिक वर्षका लागि प्रस्तुत गरेको बजेटमा देखिएका कमजोरी सच्याउँदै बजेट पारित गर्ने प्रयासमा सत्ता पक्षका दलहरू लागेका छन्।

केही सांसदका योजना हटाइएको र मन्त्रीहरूको निर्वाचन क्षेत्रलाई प्राथमिकता दिइएको भन्दै सत्ता पक्षकै सांसदहरूले असन्तुष्टि जनाएपछि प्रदेश सभामा बजेटमाथिको औपचारिक छलफल प्रभावित भएको थियो। त्यसयता सरकार, सत्तारुढ नेपाली कांग्रेस र नेकपा (एमाले) बिच औपचारिक तथा अनौपचारिक रूपमा पटक–पटक छलफल भएको छ।