विपद्‍मा संसद्को ढोका बन्द

भोटेकोशी र त्रिशूली नदीमा विनाशकारी बाढीको प्रवाहमा कमी आए पनि त्यसले दिएको घाउ आलै छ। बाढीले तटीय क्षेत्रका बस्ती र बजार सोहोरेर लगेको एक साता पुग्न लागे पनि मानवीय र आर्थिक क्षतिको अझै लेखाजोखा हुन सकेको छैन। खोज र उद्धारसँगै मृतकको संख्या बढ्दै छ।

सरकारले चार हजार बढी मानिस बेपत्ता भएको तथ्यांक सम्प्रेषण गरिरहे पनि यो संख्या निकै बढी हुन सक्ने निसाना मेटिएका र रित्तिएका बस्ती, बजार, सडक र जलविद्युत् आयोजनाबाट अनुमान लगाउन सकिन्छ, यकिन भन्न सकिने अवस्था अझै बनेको छैन।